تجربة شراء من موقع THE BEAUTY STORE البريطاني وموقع FAMAIDEAL الإسباني

السلام عليكم ورحمة الله وبركاته

تجربة الشراء هذي المره لموقعين جمعتها مع بعض لأن المنتج اللي طلبته منهم واحد.. وهو شامبو Kinactif Nutri soft1 أول مره اخذته من صيدلية بوتس مدحته لي اللي تسوَق المنتجات بالمحل وانه جربته لبنتها شعرها ملفلف ونعمه، وقالت جربيه وراح تدورين عليه بعد كذا بكل مكان.. جربته وهذا اللي صار تقريباً  لأنه انقطع بعدها من الصيدلية ..

جلست ادور عليه بالمواقع لين ما لقيته بموقع FAMAIDEAL وهو موقع اسباني حلو مره تلقون فيه كل تجهيزات الصوالين من مكياج وكريمات وصبغات وأدوات وأجهزة …. وغيرها.

أحسن شي عندهم اني لقيت الشامبو فيه منه احجام والحجم كبير 1000 مل، اخذت لي كم واحد من الحجم الكبير افضل لي بالشحن من اني اعدد من الصغير، وأخذت معه بخاخ مرطب للشعر وماسك للشعر من نفس الماركة اجربهم..

DSC_1205 copy0 copy

الدفع كان عن طريق الباي بال، والشحن لبريدي عند شوب اند شيب في برشلونه، وصلني الكرتون بسرعة معقولة وبحالة ممتازه.. استمريت بالطلب من الموقع كل فترة لين ما انقطع الحجم الكبير من الشامبو وبقى الحجم العادي، قعدت ادور مرة ثانية بالمواقع على الحجم الكبير وما لقيته ..

رجع بعدها حجم الـ1000 مل للموقع لكن لقيت بهذي الفترة طريق ثاني أرخص وأوفر عن طريق موقع THE BEAUTY STORE وهو موقع بريطاني جميل كل بضاعته مخفضه عنده عطور ومكياج ومنتجات خاصة بالشعر والبشرة… وغيره..

مافي بالموقع من الشامبو الا الحجم العادي لكنه بنصف السعر تقريباً، الدفع بالفيزا أو الباي بال والشحن مباشر للبريد السعودي، اعتمدت هذا الموقع اخيراً  ..

الشحن فيه نوعين الأول Standrd ارخص وبدون رقم تتبع، والثاني Express أسرع وفيه رقم تتبع.. جربتهم الاثنين وكلها تمام، ووصلها لي البريد السعودي للبيت..

DSC_1232 copy

الشامبو ناسب شعري جدا ومرتاحه معاه، ينعم الشعر وريحته حلوه ومنعشه، ونفس الشي بخاخ الترطيب بس لا تكثرون البخ على الفروه عشان ما يتلبد الشعر، أما الماسك زيه زي البلسم ينعم الشعر زياده ويرطبه اذا استخدمته ما استخدم البخاخ ..

اتمنى أكون افدتكم.. اي استفسار لا تترددون 

 

2 thoughts

  1. تتهني يارب في تجربتك ، ماخبرتينا نوعية شعرك كيف ؟ واش الفرق الحقيقي الي لاحظتيه مع الاستخدام ؟

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s