تجربة شراء من موقع المصممين الباكستاني LABELS eStore

السلام عليكم ورحمة الله وبركاته

جبتلكم موقع جميل جداً، طحت عليه أثناء بحثي عن أزياء هنديه، كان لي تجربة سابقه للشراء من الهند أخذت ثياب هنديه من مواقع “مجهوله”، شحنتها عن طريق shop and ship كانت سيئه جداً، وجودة الملابس ضعيفة وما تستاهل إنها تجي من بعيد، ومن الكرتون إلى التصريف مباشرة  << ما كان عندي بصيرة بالمواقع ذاك الوقت

unnamed-7_fotor-copy

اللبس الباكستاني ما يختلف كثير عن الهندي، إلا إنه أكثر ستر وهذا شيء جميل، لكن بعد اطلاع واسع بالمواقع لاحظت إن المصممين الهنود أذوق من المصممين الباكستانين، بس الباكستاني ميزته جودة وسعر رخيص بإعتبار إنهم مصممين البعض منهم عالمي

اللي خلاني أتجرأ بعد التجربة السيئة إن الأزياء من مصممين فأكيد بتكون جودة، وأيضاً الشحن مباشر عن طريق DHL

الموقع مثل الوسيط بينك وبين دار الأزياء، ياخذ وقت على ما يشحنون تقريباً شهر  لأنهم يخيطون بعد الطلب < وهذا عيبهم لازم تشتري من بدري خصوصاً لو كان اللبس لمناسبة محددة

اخترت قطعه من JV COUTURE هذا الرابط، بس كان عاري فطلبت تركيب أكمام مع زيادة عن السعر الأساسي، هذي الخدمة كانت متوفره بوقت طلبي قبل كم سنة في أغلب الملابس، أما الآن غير متوفره إلا في عدد محدود، هي وخدمة ثانية اللي هي انك تحطين مقاساتك ويفصلون اللبس عليك، اللحين صاروا بس يحطون المقاسات الأساسية S,M,L

بعد ما شحنوها ما طولت لين استلمته من DHL، جتني قطعة وحدة بدون البنطلون وهذا الشي كان مكتوب بس ما انتبهت له، فكملت اللبس ببنطلون من عندي

بعد ما شفت إن جودة الملابس وخامتها ممتازة جداً وألوانها حلوه اشتريت واحد ثاني من THREADS AND MOTIFS هذا الرابط ، كان ببالي قبل مره حلو  بس خليته لين ما أتأكد من الجودة وثقة الموقع أول، وصلني بعد شهر وشوي أربع قطع، البطانة قطعتين، والتوب، والشال

unnamed-9_fotorik-copy

تقيميي لهم ١٠/٨، بسبب بطء التجهيز، لكن أنصحكم بالموقع خصوصاً إن باكستان دولة إسلامية خلونا ندعم اقتصادهم 

وأخيراً هذا رابط الموقع LABELS eStore

أتمنى إني أفدتكم

 

One thought

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s